കൊല്ലം ജില്ലയിലെ കളക്ടറേറ്റിനു സമീപം വാടി കടപ്പുറത്തോടു ചേർന്ന് സ്ഥിതിചെയ്യുന്ന ഒരു എയ്ഡഡ് വിദ്യാലയമാണ് സെന്റ് അലോഷ്യസ് ഹയർ സെക്കന്ററി സ്കൂൾ. 1896-ൽ സ്ഥാപിതമായ ഈ സ്കൂൾ കൊല്ലം ജില്ലയിലെ ഏറ്റവും പഴക്കം ചെന്ന വിദ്യാലയങ്ങളിലൊന്നാണ്. 1900-ത്തിൽ ഹൈ സ്കൂൾ വിഭാഗം ആരംഭിച്ചു. 1902-ൽ സംസ്ഥാന സർക്കാരിന്റെ അംഗീകാരം ലഭിച്ചു. 5 മുതൽ 12-ആം ക്ലാസുവരെ ഏകദേശം 4000 വിദ്യാർത്ഥികൾ പഠിക്കുന്ന ഈ വിദ്യാലയത്തെ സീനിയർ സെക്കന്ററി സ്കൂളായി ഉയർത്തിയിട്ടുണ്ട്. ശാസ്ത്രം, കൊമേഴ്സ്, കമ്പ്യൂട്ടർ സയൻസ് എന്നിവയാണ് ഹയർ സെക്കന്ററി തലത്തിലെ വിഷയങ്ങൾ.